राष्ट्रिय लोक तथा दोहोरीगीत प्रतिष्ठान, स्याङ्जाको नवौं अधिवेशन सम्पन्न, अध्यक्षमा गौडेल
वालिङ, २३ कात्तिक– राष्ट्रिय लोक तथा दोहोरीगीत प्रतिष्ठान नेपाल, स्याङ्जाको नवौं अधिवेशसन सम्पन्न भएको छ । हिजो शनिबार साँझ सम्पन्न अधिवेशनबाट प्रतिष्ठानको अध्यक्षमा जगत गौंडेल सर्वसम्मत चयन हुनु भएको छ । गौंडेल यस अघिको समितिमा प्रथम उपाध्यक्ष हुनुहुन्थ्यो । अधिवेशनबाट अध्यक्ष गौंडेलसहित नयाँ कार्य समिति सर्वसम्मत चयन गरेको छ । प्रतिष्ठानको प्रथम उपाध्यक्षमा राजेश भण्डारी, द्वितीय उपाध्यक्ष–अनिल लम्साल, महिला उपाध्यक्ष–तारा पौडेल श्रेष्ठ, सचिव रेशम थापा, सहसचिव–पाल बहादुर सिंङ (लक्ष्मण ठकुरी), कोषाध्यक्ष–रविना गुरुङ र सह–कोषाध्यक्ष सम बस्याल रहेका छन् । यसैगरी जीवन थापा, कृष्ण मल्ल ठकुरी, सगुन थापा, थमबहादुर नेपाली, विक्रम सम्वत, एलिना गुरुङ, शुशिल पोख्रेल, भोजकुमारी पाण्डे, सवाष गुरुङ, यज्ञ प्रसाद डुम्रे, बत्ती थापा, लिल बहादुर थापा र ज्ञानीमायाँ गुरुङ (शिला) गरी २१ सदस्यीय नयाँ कार्यसमिति निर्वाचित भएको छ । नवनिर्वाचित कार्य समितिको प्रथम वैठकले प्रतीक्षा काफ्ले, मञ्जु खनाल र सुरेश विक गरी ३ जना मनोनितसहित २४ सदस्यीय समिति निर्माण गरेको छ भने पछि १ जना सदस्य पुनः मनोनित गर्नेगरी २५ सदस्यीय कार्यसमिति बनाइने नवनिर्वाचित अध्यक्ष गौंडेलले जानकारी दिनुभयो ।
कार्यक्रमको प्रमुख आमन्त्रितमा प्रतिष्ठानका केन्द्रीय वरिष्ठ उपाध्यक्ष पशुपति शर्मा रहनुभएको थियो । कार्यक्रममा बोल्दै वरिष्ठ उपाध्यक्ष शर्माले हाम्रा अग्रजहरुले देखाएको बाटो पछ्याउँने क्रममा आज धेरैजना कलाकर्मीले आफ्नो व्यक्तित्व विकास गर्न सफल भएको बताउनुभयो । कलाकारितालाई मुख्य आधार बनाएर लागेका धेरै कलाकर्मीहरु आफ्नो शान मान र इज्जतकासाथ स्थापित हुन सफल भएका शर्माको भनाई थियो । त्यसैले अग्रजलाई सम्मान र नवप्रतिभालाई प्रोत्साहन भन्ने संस्थाको नारालाई आत्मसाथ गर्दै हाम्रो मौलिक कला र संस्कृतिको संरक्षण सम्वद्र्धन र प्रवद्र्धनमा हामी सबै लाग्नुपर्ने शर्माले उल्लेख गर्नुभयो ।
नवनिर्वाचित समितिका अध्यक्ष गौंडेललाई सपथ ग्रहण गराउँदै प्रतिष्ठानका केन्द्रीय प्रथम उपाध्यक्ष रामजी खाँणले स्थापनाकालदेखि सर्वसम्मतरुपमा कार्यसमिति चयन हुँदै आएको जिल्लाको इतिहासलाई निरन्तरता दिएकोमा धन्यवाद व्यक्त गर्नुभयो । प्रतिष्ठानको गण्डकी प्रदेश संयोजकसमेत रहनुभएका खाँणले नवनिर्वाचित कार्यसमितिलाई बधाई दिंदै अग्रजलाई सम्मान र नव प्रतिभालाई प्रोत्साहन भन्ने मूल नारालाई आत्मसाथ गर्दै चुस्त र दुरुस्तरुपमा कार्य सम्पादनसहित अगाडि बढ्न आग्रह गर्नुभयो ।
अधिवेशनका अवसरमा निवर्तमान बनेको नेत्र खड्काको अध्यक्षतामा रहेको जिल्ला कार्य समितिले संथापक अध्यक्ष गोपाल जिटीसहित पूर्व अध्यक्षहरु अर्जुन गैह्रे, नेत्रप्रसाद पाण्डे र ऋषि डुम्रेलाई सम्मानपत्रले सम्मान गरेको थियो । यसैगरी नव प्रतिभामा बाल नृत्याङ्गनाहरु आयुषा खत्री, निष्मा खनाल, वर्षा गुरुङ र रियाना सुवेदी गरी ४ जना बाल कलाकारलाई प्रशंसापत्रले सम्मान गरेको छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment