Nepali Awaj
  • होमपेज
  • समाचार
  • वालिङ नगरपालिकाद्वारा पशुपालक किसानहरुलाई झण्डै सवा सात लाख अनुदान प्रदान
pokhara news

वालिङ नगरपालिकाद्वारा पशुपालक किसानहरुलाई झण्डै सवा सात लाख अनुदान प्रदान

साउन १३, स्याङ्जा
स्याङ्जाको वालिङ नगरपालिकाले पशुपालक किसानहरुलाई झण्डै सवा सात लाख अनुदान प्रदान गरेको छ । नगरपालिकाले आर्थिक वर्ष २०८०÷०८१ को गाईभैंसी प्रवद्र्धन शिर्षक अन्तर्गत किसानहरुलाई प्रति लिटर रु. १० का दरले झण्डै सवा सात लाख अनुदान आज आइतबार प्रदान गरेको हो ।
एक साना किसान कृषि सहकारी सहित ४० जना किसानहरुले ७ लाख १६ हजार ९ सय २ रुपैयाँ अनुदान प्राप्त गरेका हुन् । वालिङ ८ स्थित अकला नमूना कृषि साना किसान सहकारीले १ लाख ७४ हजार अनुदान प्राप्त गरेको छ । यसैगरी सबैभन्दा बढि वालिङ १३ गाहखोलाका छविलाल गैह«ेले ४४ हजार २ सय २५ रुपैयाँ अनुदान प्राप्त गर्नुभएको छ । कम पाउनेमा वालिङ १ कि देवि रेग्मी हुनुहुन्छ । रेग्मीले २ हजार ३ सय ५२ रुपैयाँ पाउनुभएको छ ।
अनुदान रकमको चेक हस्तान्तरण गर्दै वालिङ नगर प्रमुख कृष्ण खाँणले सीमित श्रोत र साधनका वावजुद पनि किसानहरुका असिमित आवश्यकतामा सहयोग पुगोस भनेर लागेको बताउनुभयो । नगरपालिकाको बारेमा नगरबासीहरु स्वयम् जानकार भएको उल्लेख गर्दै नगर प्रमुख खाँणले अभिभावकीय भूमिकामा नगरपालिका छ भन्ने आभास दिलाउनेगरी काम गर्न प्रतिवद्ध रहेको बताउनुभयो ।
नेपाललाई कृषि प्रधान देश भनिन्छ, व्यवहारमा हेर्ने हो भने सबैभन्दा पिछडिएको र हेला र नजरअन्दाजमा कृषि क्षेत्र नै परेको छ । कृषि मुख्य हो, तसर्थ सुखी नगरवासी र समृद्ध वालिङको नारालाई सार्थक पार्नेमध्ये कृषि पनि एक महत्वपूर्ण रहेको नगर प्रमुख खाँणले औंल्याउनुभयो । हामीले कृषकलाई आय आयर्जनमा जोड्न र समृद्ध गर्न सकेनौं भने हाम्रा उद्देश्य पूरा नहुने उहाँले व्यक्त गर्नुभयो । सबैको सुझाव लिएर अन्य क्षेत्रमध्ये महत्वपूर्ण ठानेर कृषिलाई माथि उठाउनुपर्छ भन्ने मान्यता र प्रतिवद्धताकासाथ अगाडि बढेको उहाँले स्पष्ट पार्नुभयो । 
यसैगरी नगर उप प्रमुख कविता तिवारी गैह«ेले बाटो घाटो, शिक्षा स्वास्थ्यसँगै मानव संसाधनको पनि विकास गर्न आवश्यक रहेको बताउनुभयो । उहाँले मानव संसाधनको विकासलाई मुख्यप ठानेर कृषिमा अनुदानका कार्यक्रम अगाडि सारेको उल्लेख गर्नुभयो । यो वर्ष दुधमा अनुदानसँगै एउटा गाई खरिदका लागि भनेर रु. ५० हजार अनुदान सहयोग गर्ने कार्यक्रम लागु गरिसकेको भन्दै उप प्रमुख गैह«ेले वालिङले देशमै नमूना कार्यको थालनी गरेको व्यक्त गर्नुभयो । उहाँले भन्नुभयो, “कृषकहरुको उत्थानका लागि दुईदेखि पाँचवटासम्म गाईपाल्नेलाई एउटा गाई खरिद वापत रु.५० हजार अनुदान दिने कार्यक्रम लागु गरेका हौं । योसँगै देशमै नमूना कार्यको थालनी वालिङमा भएको हो ।” वालिङ नगरपालिकामा कृषकहरुको उत्थानका लागि यो पहिलो र उत्कृष्ट कार्य भएको उहाँको भनाई छ ।

कार्यक्रममा सहभागीहरुले किसानहरु पेशाबाट लाभान्वित हुन तालिमको आवश्यकता रहेको धारणा राखेका छन् । योसँगै वास्तविक किसान मर्कामा परेकाले उनिहरुको पहिचान हुन आवश्यक रहेको सहभागीहरुको सुझाव छ ।

Admin

About The Author

Leave A Comment

Don’t worry ! Your email address and mobile number will not be published. Required fields are marked (*).

सम्बन्धित खवर

/

भर्खरै

Advertisement